Bllokimi i aksit kombëtar Librazhd–Prrenjas ka devijuar qarkullimin drejt rrugëve rurale të zonës së Spatharit, në Bashkinë e Librazhdit, duke krijuar një situatë të vështirë për banorët dhe drejtuesit e mjeteve.
Segmenti Spathar–Rruga Antike Egnatia–Dardhë–Hotolisht, i projektuar fillimisht për qarkullim lokal, është kthyer në rrugën kryesore alternative për automjetet që lëvizin nga Tirana drejt juglindjes së vendit.
Fluksi i shtuar i mjeteve ka nxjerrë në pah mungesën e sinjalistikës dhe parametrave të sigurisë në këtë aks.
Përballë kësaj situate, banorët e zonës kanë improvizuar tabela orientuese dhe paralajmëruese në pikat më problematike të rrugës, me qëllim shmangien e aksidenteve dhe orientimin e drejtuesve që nuk e njohin terrenin.
