Ermal Hasimja, ka reaguar me ironi ndaj përpjekjeve për krijimin e një fronti të bashkuar opozitar, duke thënë se sot ishte tentuar të ndërtohej një front masiv për ndryshimin e qeverisjes dhe “shpëtimin e vendit”.
Sipas tij, nisma kishte nisur me një listë prej rreth 2 milionë shqiptarësh, por gjatë procesit të përzgjedhjes ishin përjashtuar kategori të shumta individësh për arsye të ndryshme.
Hasimja renditi një sërë përjashtimesh, që nga persona me të cilët opozita kishte konflikte personale në rrjetet sociale, ish-komunistë apo ish-demokratë të rreshtuar në kampe të tjera politike, individë që nuk konsideroheshin më frymëzues apo që, sipas tij, nuk kishin ide “gjeniale”.
Ai ironizoi edhe përjashtimin e atyre që deklarojnë se duan qeverisje të ndershme, por që vjedhin “nga pak kur munden”, si edhe grupeve të ndryshme politike, ndërsa shton me ironi se tashmë pas përjashtimit të tyre opozita ka vetëm dy mundësi, ose do rrijë në kafe të presë helikopterin e Maduros, ose të bëjë një listë me ata që duan të vijnë me qëllimin e përbashkët.
“Pasi i hoqëm të gjithë këta nga lista e frontit të bashkuar antiqeveri na rezultoi se kishte mbetur vetëm një shqiptar dhe ajo nuk ishte e mundur, Nënë Tereza.
Madje dhamë dorëheqjen dhe ne se na zunë kriteret tona.
Tani kemi dy opsione: ose do rrijmë në kafe të presim atë helikopterin e Maduros, ose TE BEJME NJE LISTE ME ATA QE DUAN TE VIJNE PER QELLIMIN E PERBASHKET”,- shkruan Hasimja ndër të tjera.
