Një 45-vjeçare kineze është proceduar penalisht, pasi tentoi të largohej nga Shqipëria me një shumë parash të padeklaruara.
Sipas policisë, shtetasja e huaj u kap në Rinas, ku gjatë kontrollit në vijën e dytë iu gjetën euro dhe dollarë amerikanë, që synonte t’i nxirrte nga Shqipëria, pa i deklaruar konform ligjit.
“U referuan materialet në Prokurori, ku nisi procedimi penal në gjendje të lirë për shtetasen A. W., 45 vjeçe, me shtetësi kineze, të cilës gjatë kontrollit në vijën e dytë iu gjetën 61 755 euro dhe 10 000 dollarë amerikanë, që synonte t’i nxirrte nga Republika e Shqipërisë, pa i deklaruar konform ligjit”,-thuhet në njoftimin e Policisë.
Materialet procedurale iu referuan Prokurorisë së Tiranës, për veprime të mëtejshme.
