Një ngjarje e rëndë është shënuar brenda burgut të Korydallos në Greqi, ku i burgosuri shqiptar Jani Aliaj është vrarë pasi u qëllua disa herë me thikë nga një i dënuar grek.
Sipas mediave greke, Aliaj nuk ka mundur t’u mbijetojë plagëve të marra dhe ka ndërruar jetë në ambientet e burgut.
Autori i krimit është burgosur për vrasjen e një shqiptari në një agjenci PROPO në Agios Panteleimonas, ai është kreu i dyshuar i të ashtuquajturës mafia e burgut të Korydallos, i cili është dënuar për vrasje.
Kush ishte Jani Aliaj
Jani Aliaj u dënua me burg përjetë për vrasjen e Elton Çiços në ish-Bllok më 1 maj 2016. Aliaj hyri brenda lokalit “De Niro”, brenda një lokali pranë stadiumit “Selman Stermasi” në Tiranë, Aliaj i maskuar me paruke qëlloi Elton Çiçon në tavolinën ku ishte ulur në shoqërinë e disa personave të tjerë.
Pas krimit, Jani Aliaj arriti të largohet dhe u shpall në kërkim me akuzën e vrasjes për hakmarrje. Ndërsa në pranga ra Renato Milloshi i cili në 2017 u dënua me 8 muaj burg nga Gjykata e Tiranës për moskallëzim krimi.
Në maj 2018, Gjykata e Tiranës dënoi Jani Aliaj u dënua në mungesë me burgim të përjetshëm si autor i vrasjes së Elton Çiços.
Ndërsa më 9 Qershor 2023, Apeli i GJKKO la në fuqi konfiskimin e 7 pasurive në emër të familjarëve të Jani Aliajt. Katër njësi tregtare, ullishte dhe një vilë në Borsh i kaluan shtetit.
Jani Aliaj dhe Elton Çiço kanë qenë shokë mes tyre, të dy me origjinë nga Tepelena. Armiqësia lindi për shkak të një vrasjeje në vitin 2000. Jani Aliaj qëlloi për vdekje me thikë E. Ballazhiun, në fshatin Zhabakin. Ballazhiu, 20 vjeç, ishte shok fëmijërie me Elton Çiçon.
