Italia po përballet me një valë të fortë gripi sezonal, e cila ka arritur nivelet më të larta të përhapjes së viteve të fundit.
Vetëm gjatë javës së fundit janë regjistruar rreth 800 mijë raste të reja, ndërsa ekspertët paralajmërojnë se infektime të tjera pritet të shtohen me rihapjen e shkollave.
Spitalet dhe shërbimet e urgjencës janë nën presion të madh, sidomos për pacientët e moshave të rrezikuara dhe ata që shfaqin komplikacione si pneumoni.
Situata më e rënduar raportohet në Kalabri dhe Siçili, ku spitalet kanë tejkaluar kapacitetet. Në Palermo, numri i pranimeve ka shkuar deri në 300% mbi normën, ndërsa koha e pritjes për trajtim po zgjatet përtej kufijve normalë.
Mjekët dhe stafi shëndetësor sinjalizojnë një rritje të theksuar të problemeve të frymëmarrjes – tendencë që lidhet edhe me uljen e nivelit të vaksinimit kundër gripit këtë sezon.
Edhe Napoli raporton një situatë kritike, ku 30% e pacientëve në urgjencë shfaqin pneumoni, ndërsa spitali pediatrik Santo Stefano ka kaluar në festat e fundit shifrat prej 350 vizitash në ditë.
