Sali Berisha, deklaroi sot për mediat se regjistrime ambientale të biznesmenit Gerond Meçe dëshmojnë, sipas tij, se bashkëshortja e kryeministrit, Linda Rama, është “padronia e tenderave në AKSHI”.
Gjatë një deklarate publike, Berisha tha se këto materiale janë bërë publike prej tij rreth dy vite më parë dhe, sipas tij, nuk janë përgënjeshtruar asnjëherë. Ai theksoi se në regjistrimet ambientale, Gerond Meçe i pohon një personi që i ka kërkuar ndihmë për të fituar tendera disa fakte që, sipas Berishës, implikojnë drejtpërdrejt persona të lidhur me kryeministrin.
Sipas Berishës, në këto regjistrime thuhet se kompania ABS Solution i përket Armand Frangut dhe se ajo ka fituar të gjithë tenderat në AKSHI. Ai shtoi se, sipas Meçes, fituesit e tenderave në këtë institucion përcaktohen nga Armand Frangu.
Kreu i PD-së shtoi se këto deklarime ndodhen, sipas tij, në një dosje që ka qenë në posedim të prokurorit të SPAK Vladimir Mara dhe se ka pasur përpjekje për asgjësimin e saj. Megjithatë, Berisha tha se në momentet e fundit është konfirmuar se dosja ekziston dhe ndodhet aktualisht në SPAK.
“Siç e dini ju, pothuajse dy vite më parë, kam bërë publik informacion e regjistrimit ambiental të Geron Meçe, informacion që nuk është përgënjeshtruar kurrë, në të cilin Geron Meçe i thotë personit që i kishte shkuar për ti kërkuar ndihmë që të fitonte tender, i pohon këto që po them.
Së pari thotë, ABS-Solution, është e Armang Frangut. Sepse ajo fitonte të gjitha tenderat.
Dy, janë të regjistruara këto të gjitha, i pohon se, tenderat, fituesit në AKSH i përcakton Armand Frangu.
Tre, i thotë se Linda Rama është patronazhistja, e prokurimeve, të jem i sinqertë, nuk përmend Mirlinda Kaçanaj, se më kollaj e kam të them Mirlinda Kaçanajn, por Linda Rama.
Mirë bën që pyet, se mediat i fshehin këto, përpiqen që të krijojnë çdo gjë ti fshehin këto, i thotë Linda Rama, është si me thënë padronia e tenderave.
Prit, është më tutje.
Të gjitha këto dhe thuhet se, edhe regjistrimet e vetë zonjës Rama, në një dosje të cilën e ka patur prokurori Mara, prokurori i Prokurorisë Speciale, Mara.
Më tutje, është kërkuar dhe janë bërë përpjekje të asgjësojnë dosjen, siç kanë asgjësuar dosjen për vrasje të Taulant Ballës. Por në moment të fundit, është bërë e qartë se, dosja ekzistonte tjetër kund e plotë.
Kështu që dosja është në SPAK. Po. Këto janë.
Por po të kesh kohë, futu dhe lexo për solution. Vetëm akti i fundit ju them ju, nuk ka akt më të turpshëm, më të shëmtuar.
Armand Frangu fiton tenderin për përmirësimin e inteligjencës artificiale, 75 milionë euro. A ka gjë më kriminale. Ku është inteligjenca artificiale në Shqipëri, pa më thoni mua. Po ajo është në çdo telefon apo Ipad si Chatgpt apo Deepseek, apo Genius. Është ajo, por tjetër kund këtu.
Deepseek kushton gjithsej 6 mln dollarë. Deepseek është chatgpt kineze.
Kurse Chatgpt e Edi Ramës, 75 mln euro. Dhe prandaj del ai me fitim 22 milionë herë më të madh se kapitali fillestar. Si mund mor të vjedhin kë të mënyrë dhe, ua thashë këtu para 4 ditësh. Edi Rama urdhëron në mos gaboj ditën e hënë, ministrinë e Financave ti disbursoj Armand Frangut 25 mln eurot e fundit, nga frika se mos po arrestohet dhe mbetet pa i marrë.
Po e vërtetë.
Është i verbuar mbas vjedhjes.
Për pyetjen e dytë, shko atje në SPAK po deshe për këtë pyetje se të japin ata përgjigje. Shko atje më mirë se ata janë kompetentë për këtë punë.
Po nga e shpika unë nga qielli, shko atje e merr përgjigje. Se me gazetarët duhet të bëjnë transparencë ata, absolutisht e domosdoshme, shumë e domosdoshme çdo gjë. “- tha Berisha.
