Irani kreu stërvitje raketore në disa qytete të shtunën, raportoi media shtetërore, duke cituar burime dhe dëshmitarë të paidentifikuar, në atë që ishte stërvitja e dytë e tillë e raportuar brenda një muaji.
NBC News raportoi të shtunën se “zyrtarët izraelitë janë gjithnjë e më të shqetësuar për zgjerimin e programit të raketave balistike të Iranit” dhe se ata po “përgatiten të informojnë Presidentin (SHBA) Donald Trump mbi opsionet për një sulm të ri” ndaj Iranit.
Kanali Telegram, i transmetuesit shtetëror iranian dhe agjencia gjysmëzyrtare e lajmeve Nournews, publikuan video të asaj që dukej të ishin lëshime raketash, pa specifikuar vendet.
Agjenci të tjera lajmesh raportuan se lëshimet ishin nga kryeqyteti Teheran dhe qytetet Isfahan dhe Mashhad.
Reuters nuk ishte në gjendje të verifikonte në mënyrë të pavarur vërtetësinë e videove.
Burimet, duke folur për mediat shtetërore më vonë sot, mohuan se ishin kryer teste raketash dhe thanë se imazhet e publikuara ishin nga “avionë në lartësi të madhe”.
Nuk u dhanë sqarime mbi raportet kontradiktore.
Më parë këtë muaj, Marina e Gardës Revolucionare kreu një stërvitje dy-ditore që synonte kundërshtimin e kërcënimeve të huaja, duke qëlluar raketa balistike dhe lundruese në objektiva të simuluara në Gjirin Persik.
