Deputeti demokrat, Belind Këlliçi, ka reaguar në lidhje me dosjen hetimore të Belinda Ballukut, ku në përgjimet e saj me Evis Berberin doli edhe Carlo Bollino, pronari i Report TV dhe Shqiptarja.com, i cili rezultonte se kishte fituar qinda miliona lekë nga ARRSH-ja.
Në një postim në rrjete sociale, Këlliçi ka ndarë një postim të medias së Carlos duke lëvduar qeverinë për Unazën e Madhe, krahas së cilës shkruan se “Rilindja shpiku Carlo supervizorin për ti thuru lavde”.
Reagimi:
Gogoli shpiku Revizorin për të tallur korrupsionin!
Rilindja shpiku Carlo supervizorin për ta lëvduar!
Kjo është Unaza e Madhe sipas gazetarisë mercenare alla Carlo. Fito tender, merr paratë e shqiptarëve, bë reportazh, lepiju pushtetit, ver gjoba, kthehu sërish në pikën 1, bjeri unazës nga e para.
Patjetër o shkolla e gazetarisë me ‘nënkontraktim’, kur ke marrë tenderin e supervizimit, çdo gropë të duket metaforë, çdo denoncim e sulmon si keqinformim dhe çdo abuzim e shet si mrekulli.
Imagjinoni të jetë cilësia e punimeve si gazetaria e ‘supervizorit’ Carlo!!!!!!!
LEXO EDHE:
“Thirre atë plehrën”/ Carlo Bollino në përgjimet e Ballukut! Qindra miliona nga ARRSH-ja
