Gjykata e Lartë ka rrëzuar rekursin e Rei Metës djalit të ish-anëtares së KLP, Nurihan Meta, i cili u dënua nga Apeli ne qershor të vitit të kaluar. Ai mori dënim të formës së prerë për vepren penale të vrasjes nga pakujdesia pasi qëlloi me grusht biznesmenin Armando Meshahu.
Meta ishte dënuar nga Gjykata e Vlorës me 2 vite e 3 muaj burg për vrasje nga pakujdesia. Por Apeli vendosi uljen e dënimit në 18 muaj burgim.
Viktima Armando Meshau dhe autori debatuan në një kancelari në qytetin e Vlorës. Inxhinieri që merrej me ndërtime në Vlorë, Armando Meshau pas debatit e goditi i pari me grusht Rei Metën, përpara se ky i fundit të kundërpërgjigjej me një seri grushtesh ndaj viktimës.
Ngjarja u regjistrua nga kamerat e sigurisë, ndërsa diskutimi mes tyre u dëgjua edhe nga personat e pranishëm.
