Një ngjarje shqetësuese është regjistruar sot në Lungomare të Vlorës, ku një i moshuar me probleme shëndetësore është sulmuar nga një tufë qensh endacakë.
Ngjarja është filmuar nga kalimtarë të rastit, ndërsa pamjet tregojnë të moshuarin që detyrohet të mbrohet me një shkop për t’i larguar qentë dhe për të shmangur lëndimet.
Në ndihmë të tij ka ndërhyrë edhe një qytetar tjetër, i cili ka arritur të shpërndajë kafshët dhe të parandalojë një incident të rëndë.
Qentë endacakë prej kohësh janë kthyer në një problem serioz për banorët dhe turistët në Vlorë.
Pavarësisht ankesave të shumta dhe rasteve të përsëritura të sulmeve, Bashkia e Vlorës nuk ka marrë masa për menaxhimin e situatës.
