Këngëtari i njohur nga Maqedonia e Veriut, Shpat Kasapi, i cili u nda nga jeta më 26 nëntor 2025, do të përcillet sot për në banesën e fundit.
Familja e artistit ka bërë të ditur detajet e ceremonisë mortore. Homazhet do të zhvillohen nga ora 12:00 në Pallatin e Kulturës në Tetovë, ndërsa ceremonia e varrimit do të mbahet në orën 14:00, në varrezat e qytetit.
Në njoftimin e familjes, Kasapi përshkruhet si një njeri i qetë dhe i dashur, që shpërndante mirësi dhe energji pozitive tek të gjithë ata që e njihnin. “Largimi i tij i papritur na ka thyer zemrat. Kujtimi i tij do të mbetet i paharruar,” shkruan familja.
