Qarku i Kukësit është përfshirë gjatë natës dhe në orët e para të mëngjesit nga reshje bore dhe shiu me intensitet mesatar në zonat mbi 500 metra lartësi. Sipas raportimit zyrtar të orës 08:00 të datës 28 nëntor 2025, në Valbonë trashësia e borës ka arritur deri në 10 centimetra.
Autoritetet njoftojnë se subjektet kontraktore kanë punuar gjatë natës për pastrimin e akseve dhe kriposjen e tyre, duke bërë të mundur që të gjitha rrugët nacionale të jenë të qarkullueshme.
Bashkitë Kukës, Has dhe Tropojë raportojnë se deri tani nuk ka pasur asnjë situatë emergjente apo problematikë të shkaktuar nga moti.
I gjithë qarku furnizohet normalisht me energji elektrike, përveç 39 abonentëve në fshatin Llugaj, Njësia Administrative Llugaj, bashkia Tropojë, ku vijon puna për rikthimin e furnizimit.
