Dy persona janë arrestuar në Shkodër për armëmbajtje pa leje dhe drogë.
Njëri prej tyre, D. G., 34 vjeç, banues në fshatin Bushat, u kap me një armë zjarri pistoletë dhe municion. Ndërkohë shtetasi J. T., 29 vjeç, banues në fshatin Paçram, u kap duke poseduar një sasi lënde narkotike kanabis.
Arma e zjarrit, municioni dhe lënda narkotike u sekuestruan.
NJOFTIMI I POLICISE
Shërbimet e Komisariatit të Policisë Vau i Dejës, në bashkëpunim me shërbimet e Forcës së Posaçme “Shqiponja”, kanë organizuar dhe finalizuar operacionin e koduar “CONTROL”.
Si rezultat i këtij operacioni, u arrestuan në flagrancë shtetasit: -D. G., 34 vjeç, banues në fshatin Bushat, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Shërbimet e Policisë, gjatë kontrollit kontrollit fizik ndaj shtetasit D. G., në një lokal, i gjetën atij, një armë zjarri pistoletë me municion luftarak;
-J. T., 29 vjeç, banues në fshatin Paçram, për veprën penale “Prodhimi dhe shitja e narkotikëve”.
Shërbimet e Policisë kanë ndaluar automjetin me të cilin qarkullonte shtetasi J. T. dhe gjatë kontrollit fizik, i kanë gjetur atij, një sasi lënde të dyshuar narkotike kanabis.
