Eurodeputeti Fredi Beleri, ka komentuar këtë të martë zhvllimet më të fundit politike në vend, teksa është ndalur edhe te anëtarësimi i Shqipërisë në BE.
Sipas Belerit, nuk është e sigurt që Shqipëria do të anëtarësohet në Bashkimin Europian deri në vitin 2030.
Ai thotë se Shqipëria është Europë nga ana kulturore dhe gjeografike, ndërsa politika sipas tij duhet të marrë përgjegjësitë e veta pse nuk jemi pjesë e Bashkimit Europian.
“Unë do kontribuoj aq sa mundem që Shqipëria të jetë pjesë e BE-së. A do jetë pjesë Shqipëria e familjes europiane në vitin 2030? Nuk mund ta them me siguri. Unë besoj se nuk do të jetë. Kjo nuk ka të bëjë vetëm me reformat në Shqipëri që nuk po kryhen, por ka të bëjë edhe me vetë BE-në. Nuk është e sigurt që BE-ja kërkon zgjerimin e saj. Nuk duhet të hiqni kurrë nga mendja që mund të mos ketë zgjerim deri në 2030. Serbia i ka hapur dhe mbyllur kapitujt shumë para nesh dhe nuk do futet. Shqipëria është Europë nga ana kulturore dhe gjeografike, ndërsa politika duhet të marrë përgjegjësitë e veta pse nuk jemi pjesë e Bashkimit Europian”, tha Beleri në A2 CNN.
