Gazetari Almer Toska, ka dhënë detaje të reja mbi hetimin që SPAK po zhvillon ndaj Belinda Ballukut, duke u ndalur veçanërisht te dyshimet në kuadër të hetimit pasuror.
I ftuar në News 24, ai tha se sipas tij në një nga dosjet e hetimit, dyshohet se një bankë e nivelit të dytë në Tiranë ka transferuar 50 milionë euro drejt Austrisë, në emër të një shtetasi nga Kosova.
Gazetari theksoi se autoritetet dyshojnë se këto fonde mund të jenë për llogari të Belinda Ballukut.
“Nëse kjo vërtetohet, kjo do të ishte një nga akuzat më të forta që rëndon ndaj Ballukut,” tha Toska, duke nënvizuar rëndësinë e këtij hetimi pasuror për çështjen në fjalë.
Hetimi vijon, ndërsa SPAK po shqyrton të gjitha transaksionet dhe lidhjet financiare të mundshme që mund të konfirmojnë ose heqin dyshimet në këtë rast.
