Për shkak të reshjeve të dendura, disa zona në Berat dhe Devoll janë përballur me përmbytje gjatë ditës së sotme. Në fshatrat Çiflik dhe Arrëz, pesë persona janë larguar nga banesat e tyre, ndër ta një 100-vjeçare.
Në Devoll, reshjet e dendura shkaktuan përmbytje në fshatin Progër. Një 75-vjeçare, e cila vuan nga probleme të shëndetit mendor, është raportuar e humbur dhe dyshohet se mund të jetë marrë nga rrjedha e ujit. Deri më tani nuk ka konfirmim për vendndodhjen e saj dhe kërkimet janë në vazhdim.
Reshjet e shiut dhe moti i keq pritet të vazhdojnë edhe gjatë orëve të ardhshme, duke rritur rrezikun për zonat e përmbytura.
