Leonardo Fiorini, 27 vjeç, humbi jetën pasi ra nga ballkoni i katit të tretë të një B&B në lagjen Monteverde në Romë.
Karabinierët arrestuan Davis Stojanovic, 25 vjeç, një italo-shqiptar dhe mik i viktimës, i cili dyshohet se e shtyu gjatë një grindjeje.
Sipas hetimeve të dy po grindeshin pak para se 27-vjeçari, gjysmë i zhveshur, të binte nga ballkoni. Hetimet janë duke vazhduar për të përcaktuar rrethanat e sakta të incidentit.
Alarmi u dha nga disa banorë, të cilët, kur u intervistuan nga hetuesit, përshkruan një grindje që kishte shpërthyer midis dy të rinjve, të cilët po ndanin një dhomë në apartament.
Viktima punonte në një ministri, ndërsa 25-vjeçari ishte punonjës dyqani.
