Policia ka arrestuar sot një 49-vjeçar në qytetin e Lezhës. Ai u arrestua pasi kishte ushtruar dhunë fizike ndaj bashkëshortes së tij dhe mbante në banesë një armë zjarri.
Gjatë kontrollit të ushtruar nga policia, në banesën e tij u gjet dhe u sekuestruan një pistoletë zhurmuese. 49-vjeçari, banues në Lezhë është shoqëruar drejt ambienteve të komisariatit, ndërsa policia po heton më shumë mbi rastin.
Njoftimi i policisë
U arrestua në flagrancë shtetasi M. N., 49 vjeç, banues në Lezhë, i cili ishte denoncuar për ushtrim dhune ndaj bashkëshortes së tij. Gjatë kontrollit të realizuar në banesën e tij, uniformat blu gjetën dhe sekuestruan një armë pistoletë zhurmuese, e cila është marrë si provë materiale për hetimet e mëtejshme. Policia e Lezhës ka siguruar materialet procedurale dhe i ka referuar ato Prokurorisë për veprime të mëtejshme ligjore.
