Teksa na ndajnë dy orë nga përfundimi i procesit zgjedhor, pjesëmarrja e qytetarëve në 5 bashki të vendit mbetet kryesisht e ulët.
Sipas raportimit të KQZ-së, deri në orën 16:00, pjesëmarrja e përgjithshme në këto njësi vendore është 17.36%.
Përqindjen më të lartë të pjesëmarrjes deri tani e ka Bashkia Mat me 37,5%, e ndjekur nga Tepelena me 31,05%, Cërriku me 23,8%, Berati me 17,2% dhe në fund Vlora me 11,36% që vijon trendin e zakonshëm të saj me pjesëmarrjet e ulëta në votime.
