Në një lidhje online me Samitin e Zgjerimit të BE-së, Edi Rama deklaroi se Shqipëria synon të anëtarësohet në Bashkimin Evropian deri në vitin 2030, duke e cilësuar vendin si “kombin më euro-optimist në botë”.
Por pas këtij entuziazmi të Ramës, fshihet një narrativë e njohur: premtime ambicioze pa transparencë mbi pengesat reale.
Rama përmendi një “kalendar të bëshëm” të detyrave të shtëpisë, të dakordësuar me Komisionin Evropian, por nuk dha detaje mbi sfidat konkrete që e pengojnë Shqipërinë të përmbushë kriteret e anëtarësimit.
Rama u ndal edhe te ministrja e Inteligjencës Artificiale, Djella, duke e paraqitur si figurë kyçe në luftën kundër korrupsionit.
Ai premtoi një sistem digjital të prokurimeve deri në vitin 2027, por shmangu të flasë për rastet konkrete të korrupsionit që kanë tronditur institucionet publike.
“Një afat që vjen si rezultat i një përllogaritjeje shumë të thjeshtë. Së bashku me komisionin në konsensus kemi rënë dakord mbi një kalendar shumë ambicioz por i bëshëm detyrash shtëpie për të mbyllur anëtarësimin. Pastaj koha mesatare që kemi vlerësuar kur vjen për ratifikimin e parlamentit është 2 vjet. Kështu parashikohet që Shqipëria të ulet në tryezën e BE-së në 2030.
Por nuk jemi kundër të jemi atje dhe më shpejt. Kur bëhet fjalë për rajonin do bija dakord, gjithsecili ka rrugëtimin e vet dhe të përmbushë detyrat e veta të shtëpisë. Ka karakteristika të ndryshme në rajon. Ka vende të ndryshme. Kur vjen fjala te ne e them me zë të lartë jemi kombi më euro optimist në botë, apo ashtu siç do thoshte Donald Trump, në tokë.”
Veprimtaria e plotë të SPAK ka krijuar praktikisht për Shqipërinë shembullin se lufta kundër korrupsionit është diçka që shkon përtej fjalëve, shkon shumë thellë dhe është tejet e ekuilibruara pa parë në të majtë apo djathtë pavarësisht se kush është në qeveri apo kush është në opozitë.’
Pranojmë partneritete, ndihmë, por nuk pranojmë leksion kur vjen fjala për luftën kundër korrupsionit. Djella ka të bëjë me luftën sistemore, luftën përmes modernizimit. Brenda 2027 synojmë sistemin e plotë të IA të prokurimeve digjitale.” –tha Rama.
