Prej më shumë se 12 vitesh, qeveria shqiptare ka braktisur moshën e tretë por në prag të festave të fundvitit kujtohet për t’ju dhënë një bonus simbolik.
Edhe pse çmimet janë rritur dyfish krahasuar me një vit më parë, qeveria ka vendosur të shtojë vetëm 5 mijë lekë në bonusin e pensionistëve.
Ka qënë Ministri i Financave, Petrit Malaj, ai i cili ka deklaruar se çdo i moshuar i cili e ka pensionin më të ulët se 20 mijë lekë në muaj, do të marrë shpërblim prej 15 mijë në fundvit, ndërsa ata që kanë një pension më të lartë se 20 mijë, do të marrin një bonus me vlerë 10 mijë lekë.
“Paratë janë shpërndarë në ministritë e linjës. Bonusi i fundvitit do të jetë njësoj si bonusi që kanë marrë vitin e kaluar. Kush ka pension deri ne 20 mijë lekë do të marrin 15 mijë lekë, dhe kush ka pension mbi 20 mijë lekë do të marrin bonus fundviti 10 mijë lekë.”, është shprehur ministri Malaj.
