Kreu i Grupit Parlamentar të PD Gazment Bardhi, në një reagim në rrjetet sociale ka deklaruar se zv kryeministrja Belinda Balluku është ajon që mban peng kryeministrin Edi Rama për shkak të aferave korruptive.
Bardhi akuzoi kryeministrin Edi Rama se “ka frikë” ta shkarkojë Ballukun, pasi sipas tij, ajo zotëron më shumë pushtet dhe ndikim politik se vetë kreu i qeverisë.
“Belinda Balluku ka më shumë tituj dhe pozicione politike se vetë Edi Rama. Ajo është zëvendëskryeministre, ministre, deputete, drejtuese politike e dy qarqeve, dhe së fundmi, e pandehur nga SPAK për abuzim me tenderin 190 milionë euro.
Sot ajo është njeriu më i pushtetshëm në Shqipëri dhe Rama nuk guxon ta shkarkojë, sepse e mban peng me aferat korruptive që kanë ndodhur nën bekimin e tij,” – deklaroi Bardhi.
Sipas tij, Shqipëria po përballet me një situatë absurde, ku një zëvendëskryeministre nën hetim për korrupsion vijon të mbajë detyrë publike.
“Kjo është Shqipëria e Ramës, ku një zëvendëskryeministër i pandehur nga SPAK për abuzime me miliona euro të parave publike vazhdon të qëndrojë në qeveri. Në vend të një drejtimi europian, vendi po shkon drejt një modeli afrikan të korrupsionit dhe pandëshkueshmërisë,” – shtoi Bardhi.
Postimi i Gazment Bardhit
Belinda Balluku ka më shumë tituj/pozicione politike/publike se vetë Edi Rama!
Ajo rezulton se aktualisht është:
Zëvendëse e “Palloshit të gjatë” siç e quante vetë nëpër sms në Këshillin e Punëve të Pista (ZëvendësKryeministre);
Ministre e Energjisë, Tuneleve dhe Rrugëve të florinjta (Ministre);
Deputete e interesit personal (Deputete);
Drejtuese Politike e qarkut të “Torta Belinda” (Drejtuese Politike qarku Fier);
Drejtuese Politike e qarkut ku kryetar bashkie është i korruptuari tjetër Erion Veliaj (Drejtuese Politike qarku Tiranë);
Anëtare e një fisi të bukur (Bërë me paratë e shqiptarëve);
Dhe së fundmi, titulli më me shumë peshë:
E PANDEHUR nga SPAK për abuzim madhor me tenderin 190 milion euro! (Kandidate për banore e Burgut të Grave në Pojskë).
Pra, praktikisht është njeriu më i pushtetshëm sot në Shqipëri! Prandaj Edi Rama e ka frikë dhe nuk guxon ta shkarkojë! Ajo e mban peng Edi Ramën me pushtetin që vetë ai i ka dhënë për të kryer aferat korruptive më të mëdha në historinë e Shqipërisë.
Shqipëria “Europiane” me Zëvendëskryeministër të pandehur për abuzime me tendera publik në të paktën 50 milion euro të vjedhura është rruga e duhur për tu bashkuar me Afrikën!
Drejt Shqipërisë 2030 në AFRIKË!
