Kryedemokrati Sali Berisha është pyetur sot nëse po shmang përballjen me kreun e SPAK-ut, Altin Dumani.
Në përgjigjen e tij, Berisha tha se nuk ka asnjë çështje personale me të, por theksoi se shqetësimi i tij lidhet me interesin publik dhe me mënyrën se si po menaxhohen hetimet për aferat korruptive
Sipas tij, në Tiranë “gumëzhin” prej ditësh ‘me zërat se Dumani po bëhet avokat i Lubisë’, ndërsa shtoi se tenderi për supervizimin e tunelit është përdorur për të mbuluar një aferë shumë më të madhe.
“Nuk kam gjë personale unë. Unë kam hallin e qytetarëve, sepse nëse kërkojnë të bëjnë pyetje dhe debate, janë për të mbrojtur interesat e qytetarëve.
Janë 130 milionë euro të djegësit, ky deklaron se konfiskoi apo sekuestroi filan apartament, por se kthen një qindarkë nga 130 milionë euro jo, sepse nuk heton dot Edi Ramën dhe Lubinë. Ju keni parë që këto ditë gumëzhin Tirana se po bëhet avokat i Lubisë. Lubinë e marrin për një tender, supervizioni për tunelin dhe jo për 50 mln euro. Ku janë 50 milionë euro? Sa i ka kthyer taksapaguesve nga 1 miliard? Asnjë qindarkë”- tha Berisha.
