Një ngjarje e rëndë ka ndodhur të premten, më 24 tetor, rreth orës 14:00, në kantierin e ndërtimit të rrugës Peqin–Elbasan, ku humbi jetën inxhinieri Guri Dashi, drejtues i kantierit pranë kompanisë “Alb Building” sh.p.k.
Dashi ra nga ura e re gjatë montimit të trarëve, duke marrë plagë të rënda që i shkaktuan vdekjen e menjëhershme. Ai u transportua me urgjencë në spital, por fatkeqësisht mbërriti pa shenja jete.
Një mik i të ndjerit, që ndau lajmin për JOQ, u shpreh i revoltuar për vonesën në raportimin e ngjarjes dhe për kushtet e sigurta në kantier, duke akuzuar kompaninë për mungesë standardesh sigurie.
Mesazhi i shokut të viktimës:
Te Premten, 24 tetor, në drekë, rreth orës 2 të drekës, ka ndërruar jetë një inxhinier që punonte për “Alb Buailding” në aksin e rrugës Peqin – Elbasan. Kompanitë e ndërtimit punojnë pa personelin e mjaftueshëm sepse nuk ngopen. Unë e kam pasur shok, kishte rënë nga ura e re që po ndërtohej gjatë procesit të montimit të trarëve të urës. Ka qenë drejtori i kantierit për “Alb Building” sh.p.k. Ka mbërritur pa jetë në spital. Këtu punohet pa kushte sigurie.
Një i afërm i Dashit konfirmoi gjithashtu për JOQ se kompania tentoi të mos e bënte publike aksidentin.
Kushëriri i të ndjerit:
Një aksident me rast vdekjeje ka ndodhur në kantierin e ndërtimit të rrugës në Peqin është fshehur nga autoritetet dhe kompania. Jam kushëriri i tij kjo punë është fshehur në fillim nga kompania.
Kompania “Alb Building”, pronë e Pëllumb Beta dhe Odhise Bresha, ka përfituar mbi 100 milionë euro nga tenderët publikë gjatë 10 viteve të fundit, duke renditur ndër më të mëdhatë në sektorin e ndërtimit në vend.
LEXO EDHE:
