Një lokal në Durrës është vënë në qendër të një operacioni policor, pas dyshimeve se aty zhvillohej aktivitet i paligjshëm bastesh sportive përmes celularëve.
Pas ndërhyrjes në ambientet e lokalit, u arrestua në flagrancë pronari i lokalit, shtetasi E. K., 32 vjeç, banues në Durrës.
Gjatë kontrollit, u konstatuan katër persona të tjerë – G. K., H. K., F. P. dhe A. B. – të cilët u kapën duke vendosur baste sportive në mënyrë të paligjshme. Ndaj tyre ka nisur procedimi penal në gjendje të lirë.
Kontrolli fizik ndaj pronarit të lokalit zbuloi edhe një sasi lënde narkotike të dyshuar si Cannabis Sativa, duke shtuar akuzat ndaj tij.
Policia e Durrësit ka referuar materialet në Prokurori dhe vijon hetimet për zbardhjen e plotë të veprimtarisë së paligjshme dhe identifikimin e personave të tjerë të përfshirë.
