Ndryshime të reja janë miratuar nga kryeministri Edi Rama në kabinetin e tij gjatë mbledhjes së sotme të Këshillit të Ministrave.
Mësohet se Elda Xhumari është emëruar zëvendësministre e Mjedisit.
Ndërkohë, janë liruar nga detyra Arta Dollani, drejtoreshë e Përgjithshme eAgjencisë Kombëtare të Mjedisit dhe Roland Kristo, zëvendësministër i Bujqësisë dhe Zhvillimit Rural.
Pak më herët u raportua gjithashtu se Herida Duro është emëruar zëvendësministre e Arsimit.
Kujtojmë që Herida Duro një violiniste me profesion ishte një ndër emrat që dhanë miratimin e shembjes së Teatrit Kombëtar në vitin 2020 me arsyetimin se “Teatri Kombëtar nuk kishte ndonjë vlerë të trashëgimisë kulturore dhe arkitekturore”. Asokohe ajo ka qenë drejtoreshë në Ministrinë e Kulturës dhe pjesë e grupit të punës që bënë vlerësimin e Teatrit Kombëtar, nëse duhej shembur apo jo.
