Një 35-vjeçar, i identifikuar si Vasil Shoshari, u vu në pranga nga Policia e Korçës pasi dyshohet se ka tentuar të vrasë gjyshin e tij me thikë.
Ngjarja ka ndodhur më datë 4 tetor 2025, ndërsa arrestimi u krye sot në Pikën Kufitare të Kapshticës, ku i riu po përpiqej të kalonte kufirin në mënyrë të paligjshme.
Ai ishte shpallur në kërkim për veprat penale “Vrasje për shkak të marrëdhënieve familjare” mbetur në tentativë dhe “Prodhimi, mbajtja, blerja apo shitja pa leje e armëve të ftohta”.
Hetimet e para tregojnë se 35-vjeçari ka goditur disa herë me thikë gjyshin e tij, duke i shkaktuar plagë të rënda. Fatmirësisht, ai ka mbijetuar dhe ndodhet jashtë rrezikut për jetën.
