Një rast i shfrytëzimit për prostitucion është zbuluar në Tiranë, pas një hetimi të policisë.
Në përfundim të veprimeve hetimore, janë arrestuar dy shtetas brazilianë: një 25-vjeçar i dyshuar për organizimin dhe përfitimin nga aktiviteti, si dhe një 24-vjeçare që ushtroi prostitucion në ambiente të ndryshme të marra me qira ditore në kryeqytet.
Në të njëjtin ambient, ndodhur në bulevardin “Zogu i Parë”, u kapën edhe dy të rinj shqiptarë, 22 dhe 20 vjeç, të cilët u proceduan penalisht për përfshirje në veprimtarinë e kundërligjshme.
Gjatë kontrollit, u sekuestrua një shumë parash e dyshuar si e përfituar nga aktiviteti i prostitucionit.
Hetimet për rastin vazhdojnë me qëllim zbardhjen e plotë të ngjarjes dhe identifikimin e personave të tjerë të përfshirë. Materialet janë referuar organit kompetent për veprime të mëtejshme ligjore.
