“El Clasico” e parë e sezonit ka shkaktuar një tërbim.
Biletat për ndeshjen Real Madrid-Barcelona të dielën, më 26 tetor (ora 16:15) u shitën në më pak se pesë minuta të premten në mëngjes, në periudhën e parë të shitjeve të rezervuara për ata që nuk kanë bileta sezonale.
Sapo u hap faqja e internetit e klubit, sistemi regjistroi një mori kërkesash, duke lënë mijëra tifozë të Real Madridit në listën e pritjes pa mundësi.
Në fakt, radha virtuale për të hyrë në faqen e internetit zgjat më shumë se një orë.
Sidoqoftë, “Bernabeu” do të jetë përsëri i mbushur me më shumë se 80,000 spektatorë për një ndeshje që ruan fuqinë e saj magnetike.
As çmimi dhe as ora e ditës nuk e kanë ngadalësuar kërkesën.
Të paktën sipas raportimeve mësohet se kërkesa për bileta ka pasur rreth 250 mijë, të cilat me një statistikë të thjeshtë matematikore i bie të mbushnin tej kapacitetit 3 stadiume sa “Bernabeu”.
Megjithatë është një ndeshje klasike dhe kjo ndodh 2 herë në vit.
