Kryedemokrati Sali Berisha ka shpërthyer në akuza të forta ndaj Presidentit Bajram Begaj, duke e quajtur “peng i aferave korruptive dhe skllav në duart e Edi Ramës”.
Në deklaratën e tij, Berisha e akuzon se “firmos dhe merr para në një bordero private”, duke shkelur rëndë, sipas tij, jo vetëm etikën profesionale, por edhe normat ligjore dhe morale.
Ish kryeministri i bëri thirrje Urdhrit të Mjekëve që të ndërhyjë menjëherë dhe t’i heqë diplomën dhe ta përjashtojë presidentin Begaj si te padenje.
Berisha: Për Bajramin, peng i Limjonit dhe aferave të tjera korruptive, është një skllav në duart e Edi Ramës dhe të xhepave të tij. Shkon firmos dhe merr para në bordero private. I bëj thirrje urdhrit të mjekëve që tia heqë menjëherë diplomën. Turpërim më të madh se ky nuk ka. Vetëm kur je në shpellën e Edi Ramës mund ta bësh këtë. Urdhri i mjekut të tregojë integritet dhe ta përjashtojë si të padenjë për këtë akt që ka kryer.
