Në një postim në rrjetet sociale, kryetari i Partisë Demokratike, Sali Berisha, ka reaguar ndaj aksionit të policisë për bllokimin e skuterëve dhe motorëve elektrikë në Shqipëri.
Ai e ka cilësuar këtë si një “aksion fake” të “narko-policisë”, duke akuzuar autoritetet se po pengojnë qytetarët që përdorin këto mjete për të shkuar në punë, sidomos në kushtet e trafikut të rënduar në Tiranë.
Videoja e publikuar nga Berisha tregon një automjet të kompanisë “Binbin”, e cila merret me menaxhimin e skuterëve elektrikë në bashki.
Sipas tij, pavarësisht aksionit të policisë, kompania ka vazhduar punën gjatë natës duke ndërruar bateritë e skuterëve dhe duke i rikthyer në përdorim në terren.
Berisha e ka quajtur këtë situatë “parodi me patinat”, duke theksuar se ndërsa qytetarët penalizohen për përdorimin e mjeteve elektrike, kompania e bashkisë vazhdon aktivitetin pa pengesa.
Postimi i plotë:
Parodia me patinat!
Dje dhe sot narko-policia vazhdon aksionin për të bllokuar patinat dhe motorrat elektrik qytetarëve që i përdorin për të kapur punën pasi trafiku i Tiranës është kthyer në tmerr, kompania “binbin” e skuterave të bashkisë mbrëmë ka vazhduar punën duke i ndërruar bateritë dhe për t’i nxjerr në terren.
