Deputeti demokrat Gent Strazimiri ka reaguar në Facebook pas vizitës në Tiranë të shefes së Komisionit Evropian, Ursula von der Leyen.
Ai ka shpjeguar me nota ironike “arritjet” e Edi Ramës të cilat sipas deputetit janë: vjedhja e zgjedhjeve, kontrolli mbi drejtësinë, mbushja e Evropës me kokainë, shpopullimi, blerja e mediave….
“Po ç’të them… Sali Berisha e të gjithë ne që punuam me të, kujtonim se duhej të bënim të kundërtën…”- shkruan deputeti demokrat.
Postimi:
Ja ç’bën “keqkuptimi” në komunikim…
Ta kishim ditur që për të patur “progres të mrekullueshëm me shpejtësi rekord” mjaftonte:
* të vidhje zgjedhjet…
* të caktoje vetë gjyqtarët e prokurorët e t’u japësh urdhra “live” kë duhet të arrestojnë e kë jo…
* të mbushje Evropën me kokainë…
* të “invadoje” Evropën me refugjatë…
* t’ua shisje shqiptarëve 20 fish koston e 1km rrugë…
* të blije mediat e, të mbyllje “të pabindurat”…
* ta ktheje vendin në parajsë të narko-euros…
…sot, do festonim të paktën 15 vjetorin e anëtarësimit në BE…
Po ç’të them… Sali Berisha e të gjithë ne që punuam me të, kujtonim se duhej të bënim të kundërtën…
What the SPAK?
