Pak minuta para nisjes së sfidës Serbi–Shqipëri, atmosfera në stadiumin “Duboçiça” të Leskovcit duket e qetë dhe pa entuziazëm të madh.
Ekipi kuqezi është shoqëruar drejt fushës nën masa të rrepta sigurie, me praninë e forcave të shumta policore dhe njësive speciale, që kanë garantuar lëvizjen e tyre nga hoteli deri në stadium.
Nga ana tjetër, tifozët serbë që do të ndjekin ndeshjen janë të ftuar zyrtarisht dhe lejohen të futen në stadium vetëm me karta identiteti, pas kontrolleve të shumta të sigurisë në hyrje.
Ndeshja nis në orën 20:45 dhe është e vlefshme për kualifikueset e Botërorit 2026.
