Qeveria ka shkarkuar nga detyra prefektin e Qarkutë të Vlorë dhe të Fierit.
Më konkretisht, në Vlorë është shkarkuar nga detyra prefekti Plator Nesturi, teksa në vend të tij është emëruar Evis Allushi.
Kjo e fundit ishte kandidate për deputete në zgjedhjet parlamentare të 11 Majit në Qarkun e Vlorës, ku mori 2 446 vota preferenciale në total, por të pamjaftueshme për të marrë mandatin e deputetes.
Ndërkohë, nga posti i prefektit të Fierit është shkarkuar nga detyra Arben Cuko, ish-deputet i PS-së dhe ish-drejtor i Burgjeve. Në vend të tij është emëruar Anduel Xhindi, po ashtu, ish deputet i PS-së.
Vendimet janë marrë në mbledhjen e sotme të Këshillit të Ministrave.
