Cristiano Ronaldo është bërë futbollisti i parë profesionist që arrin statusin e miliarderit, sipas renditjes më të fundit të “Bloomberg Billionaire Index”.
Ky është një moment historik në aspektin financiar për yllin portugez, pas kontratës historike me Al Nassr dhe bashkëpunimet fitimprurës me markat e njohura.
Në fillim të këtij viti, Ronaldo rinovoi marrëveshjen me klubin saudit për një kontratë që raportohet të kalojë vlerën e 400 milionë dollarëve. Kjo e ka bërë atë futbollistin më të paguar në botë dhe njëkohësisht pjesë të grupit të miliarderëve globalë.
Përveç pagës, bashkëpunimet me kompani si Nike dhe Armani kanë pasur ndikim të madh në rritjen e pasurisë së tij.
Megjithëse ka mbushur 40 vjeç, Ronaldo ka deklaruar se nuk mendon ende për tërheqjen nga futbolli. Ai ka thënë se ndjehet në formë të mirë fizike dhe i motivuar për të vazhduar të kontribuojë në nivelet më të larta.
Objektivi i tij aktual është të ndihmojë Al Nassr në arritjen e sukseseve të reja dhe të përgatitet për Kupën e Botës që po afrohet.
