Lëvizja “Shqipëria Bëhet” ka shpallur mbështetjen për Dionis Sotën, kandidat i pavarur për Bashkinë e Vlorës në zgjedhjet e pjesshme lokale që do të mbahen më 9 tetor.
Vendimi është bërë publik nga kreu i Lëvizjes, Adriatik Lapaj, i cili tha se kryesia ka zhvilluar një proces vlerësimi të kandidaturave të pavarura përpara se të arrinte në këtë përfundim.
“Pasi u njohëm me kandidaturat e pavarura në Bashkinë Vlorë, duke i vlerësuar për qytetarinë e tyre dhe në koherencë me propozimin dhe angazhimin tonë, kryesia e Lëvizjes Shqipëria Bëhet ka vendosur të mbështesë Z. Dionis Sota.
I urojmë suksese dhe e inkurajojmë të nisë procedurën e mbledhjes së firmave nga qytetarët si kandidat i pavarur”, shkruan Lapaj në postimin e tij në rrjetet sociale.
LEXO EDHE:
Del kandidatura e parë e pavarur në Vlorë për kryetar bashkie
