Partia Socialiste ka zyrtarizuar Ervin Cecën si kandidatin e saj për kryetar të Bashkisë Berat në zgjedhjet e pjesshme që do të mbahen më 9 nëntor. Vendimi marrë mbrëmë në mbledhjen e Kryesisë së PS-së.
Ervin Ceca është aktualisht kryetar i komanduar i Bashkisë Berat, detyrë që e mori më 13 mars, pas dorëheqjes së Ervin Demos, i cili e drejtoi bashkinë për 6 vite dhe më pas kandidoi për deputet në zgjedhjet e 11 majit.
Para këtij funksioni, Ceca ka mbajtur detyrën e nënkryetarit të bashkisë dhe kryetarit të këshillit bashkiak.
Ndërkohë deri më tani, opozita nuk ka shpallur ende kandidatin e saj për këtë garë. Bashkitë që do të hyjnë në zgjedhje të parakohshme janë Tiranë, Vlorë, Berat, Mat, Cërrik dhe Tepelenë.
