Gazetari Basir Çollaku ka deklaruar se problemi më i madh i vendit tonë është se klasa politike, një pjesë e së cilës ka probleme me drejtësinë, nuk mund të krijojë një sistem të pastër që të pastrojë këtë politikë që e ka emëruar.
I ftuar në A2 CNN, Çollaku shtoi se kandidatët për deputetë duhet të merrnin një certifikatë pastërtie para hyrjes në Kuvend.
“Nuk kemi parë akoma reagimet e Diellës për zhvillimet e fundit. Do ketë qenë në udhëtime turistike në Vlorë. Një problem thelbësor është klasa politike, nëse ka probleme me drejtësinë, një pjesë e tyre ka probleme me drejtësinë, janë të pandehur në hetim. Si mundet ky ekip politik të krijojë një drejtësi të pastër e cila do të pastrojë këtë politikë që e emëroi. Ky konflikt i fshehur interesi…Ky parlament duhet që të gjithë kandidatët të merrnin një certifikatë pastërtie për mos përfshirje në asnjë procedim te struktura e posaçme”, tha Çollaku
