Analisti Fatos Lubonja komentoi vrasjen e gjyqtarit Astrit Kalaj, ditën e djeshme gjatë një procesi gjyqësor në Gjykatën e Apelit, teksa po jepte vendim për një çështje pronësie.
Lubonja duke folur në News 24 për ngjarjen e rëndë fajëson politikën dhe institucionet në Shqipëri që për më shumë se 30 vite i zvarrisin njerëzit në gjykata dhe nuk i japin zgjidhje përfundimtare problemeve të tyre.
“Drejtësia, institucionet e shtetit për të mos zgjidhur në mënyrë të drejtë dhe përfundimtare problemet e mëdha të njerëzve. Ishte një shkollë që u ishte dhënë 32 familje në 92-shin.
Lihen pa u zgjidhur problemi i këtyre njerëzve pastaj u jepej pronarëve që jo në mënyrë shumë bindëse, pastaj një zvarritje në gjykata, pastaj lind ideja sa i besueshëm është gjykatësi.
Mos besim tek institucionet, mosbesim te politika që çon në këtë akt. E gjithë historia do përfundonte me këtë vrasje që do ishte denoncim i gjithë të këqijave që ka bërë shoqëria jonë me të gjithë partitë, drejtësinë dhe gjithë policinë.”
