Gjykata e Gjirokastrës ka lënë në fuqi masën e sigurisë të pezullimit nga detyra për shefin e Krimeve në Policinë e Përmetit, Dhurim Çenko.
Prokurori Mariglen Meta kërkoi lënien në fuqi të pezullimit nga detyra për Dhurim Çenko, kërkesë që u pranua dhe u vendos edhe nga gjykatësja Nertila Përallaj.
Sipas vendimit, masa e sigurisë pezullim nga detyra do të jetë për 3 muaj. Në përfundim të këtij afati, do të bëhet rivlerësim nga gjykata.
Dhurim Çenko po hetohet nga Prokuroria e Gjirokastrës për shpërdorim detyre për rastin e skandalit seksual me një vajzë të mitur në Përmet, e cila ishte abuzuar nga njerku i saj polic dhe kolegu i këtij të fundit.
Prokuroria e akuzon Çenkon se ka qenë në dijeni të skandalit seksual ku ishin të përfshirë dy policë dhe nuk kishte marrë masa.
Dhurim Çenko kërcënoi edhe gazetarin Piro Nasen, si dhe familjen e tij, pasi denoncoi pezullimin e tij nga detyra.
Lexo Edhe:
Skandali seksual në Përmet me të miturën shkakton tërmet në radhët e Policisë së Qarkut Gjirokastër
