Gjykata e Vlorës dhe e Dibrës njoftuan se kanë pezulluar të gjitha seancat nga data 7-10 tetor për nder të gjyqtarit Astrit Kalaja.
Në reagim ndaj ngjarjes së rëndë të një dite më parë, ku gjyqtari Astrit Kalaja u vra me armë zjarri në sallën e Gjykatës së Apelit, Gjykata e Vlorës dhe e Dibrës ka vendosur të ndërpresë punën. Institucionet gjyqësore janë në solidaritet të plotë me familjarët e të ndjerit. Homazhet për Astrit Kalanë janë duke u zhvilluar ditën e sotme dhe do të vijojnë deri ditën e nesërme.
Ndërkohë, në nder të gjyqtarit të ndjerë, Gjykata e Apelit uli sot flamurin në gjysmështizë dhe pezulloi të gjitha seancat gjyqësore të planifikuara për datën 7 tetor.
