Një aksident i rëndë rrugor ka ndodhur mëngjesin e sotëm në aksin Milot–Lezhë.
Ngjarja ka ndodhur pranë një segmenti të njohur për qarkullim të dendur, ku automjeti i drejtuar nga shtetasja Xh. N. është përplasur fillimisht me motomjetin që drejtohej nga shtetasi V. K., 75 vjeç, dhe më pas me një automjet tjetër të ndaluar jashtë rruge.
Menjëherë pas aksidentit, V. K. u transportua në spital në gjendje të rëndë, por fatkeqësisht nuk arriti t’u mbijetojë plagëve.
Policia njoftoi se drejtuesja e automjetit, Xh. N., është shoqëruar në Komisariatin e Lezhës për veprime të mëtejshme procedurale.
