Një krim i rëndë në familje ka ndodhur në Bilisht dhe për pak sa nuk ka përfunduar në tragjedi.
Policia vendore njoftoi se një 35-vjeçar me dy identitete ka plagosur me thikë pas sherrit me motive të dobëta xhaxhanë e tij dhe më pas është arratisur nga vendngjarja.
I dëmtuari ka plagë në fytyrë dhe duar, teksa po mjekohet në spital pa rrezik jete.
Paraprakisht dyshohet se shkak kanë qenë problemet e shëndetit mendor nga të cilat vuan nipi i të plagosurit, u shpall në kërkim.
“Specialistët për Hetimin e Krimeve ndaj Personit referuan materialet në Prokurori dhe shpallën në kërkim shtetasin V. Sh., alias F. Sh., 35 vjeç, banues në Bilisht, me probleme të shëndetit mendor, pasi për motive të dobëta ka goditur me thikë në fytyrë dhe në dorë xhaxhanë e tij”, thanë burime zyrtare ditën e sotme (5 tetor).
Pas veprimeve paraprake do jetë organi i akuzës që do zbardhë dinamikën dhe shkaqet konkrete, teksa kërkimet për të riun vijojnë ende.
