Mund të quhen fisi më i çuditshëm në botë për nga mënyra e jetesës, ndërsa refuzojnë të bëhen pjesë e jetës moderne.
Fisi Raute në Nepal ka disa sjellje krejt të pazakonta, ndërsa preferojnë të hanë mish majmuni dhe t’i varrosin njerëzit në këmbë dhe jo shtrirë. Ndonëse gjenden shumë pranë zonave të banuara, refuzojnë t’i bashkohen jetës moderne.
Ata në momentin kur iu vdes një i afërm largohen nga vendbanimi duke zgjedhur një tjetër. Kjo pasi besojnë se kështu largojnë shpirtrat e këqinj. Banorët e këtij fisi cilësohen si njerëz të dorës së dytë nga nepalezët, fakt të cilin ata nuk e honepsin dot duke këmbëngulur se jetojnë njësh me natyrën.
