Largimi i Zinedin Zidane nga Reali i Madridit është shoqëruar me komente të shumta.
Dy prej lojtarëve më të rëndësishëm të kampionëve të Europës, Ramos dhe Ronaldo kanë komentuar këtë vendim të trajnerit.
“Si lojtar, e tani si trajner vendose të largohesh kur je në majën më të lartë.
Faleminderit për dy vjet e gjysmë të futbollit, punës, dashurisë dhe miqësisë. Ju largoheni, por trashëgimia juaj tashmë është e pashlyeshme. Një nga kapitujt më të suksesshëm në historinë e Real Madrid”, shkruan Sergio Ramos.
Ndërkohë, Ronaldo nuk e fsheh krenarinë që ka pasur nën drejtimin e tij.
“Jam krenar që kam qenë një lojtar i yti. Mister, shumë faleminderit për gjithça”, ka shkruar ylli portugez.
Në krye të madrilenëve, Zidane korri sukses si asnjë trajner më parë, duke fituar disa tituj kryesorë.
