15-vjeçari nga Gjirokastra, Mateo Kalemi, i cili një ditë më parë ishte raportuar i zhdukur nga familjarët e tij, është gjetur sot në Tiranë.
Raportohet se i mituri ndodhet në gjendje të mirë shëndetësore dhe është nën kujdesin e psikologes.
Prindërit e Mateos kishin kërkuar ndihmë nga mediat pasi 15-vjeçari kishte qenë i zhdukur për rreth 7 orë dhe ata nuk kishin dijeni për vendndodhjen e tij.
Sipas familjes, për herë të fundit ai është parë rreth orës 12:30 pranë urës së lumit, duke planifikuar të nisej drejt Tiranës.
Mungesa e parave për biletë bëri që prindërit të dyshonin se Mateo mund të ketë përdorur ndonjë mjet rastësor për të arritur në kryeqytet.
