Duket se kryebashkiakja e Durrësit, Emiriana Sako ka reaguar pas më shume se dy muajsh me vonesë, në lidhje me ultimatumin e Edi Ramës për të shkarkuar kryetarët e njësive administrative dhe drejtorët e bashkisë.
Mediat raportojnë se Sako ka pranuar zyrtarisht dorëheqjet e 5 administratorëve të njësive administrative të Sukthit, Manzës, Katundit të Ri, Ishmit dhe Rrashbullit, të cilët e kishin paraqitur dorëheqjen që në muajin korrik, ndërkohë ka nisur emërimet e reja.
Deri tani mësohet se u është pranuar dorëheqja Kadri Gjylit në Ishëm, Edlir Cërrit në Sukth, Eltion Prenit në Katund të Ri, Albert Bukaçit të Rrashbullit dhe Muharrem Sulës në Manëz. Burime bëjnë me dije se deri tani janë emëruar 4 prej administratorëve të rinj, po ende jo ai i Sukthit.
Sipas informacioneve të deritanishme, mësohet se Emirian Bafti, është emëruar administratori i ri i Ishmit. Redi Shehu emërohet në Manëz dhe Fiqiri Dema në Rrashbull.
