Deputeti demokrat Ivi Kaso ka kërkuar sot në Kuvend që seanca për prezantimin e programit të qeverisë të ripërsëritet, duke akuzuar kryetarin e Kuvendit, Niko Peleshi, se veproi si “vasal i kryeministrit Rama” dhe e urdhëroi të mbyllte seancën e kaluar për 25 minuta.
Kaso u shpreh se seanca e kaluar i mohoi qytetarëve të drejtën për të njohur qeverinë e re dhe për të diskutuar mbi ministrat dhe programin e saj.
“Ishte e udhës që seanca të niste me një ndjesë publike për mënyrën se si u mohua debati parlamentar dhe të jepet fjalë opozitës për pyetjet e saj. Programi qeverisës duhet të kthehet për diskutim, sepse qytetarët kanë të drejtë të njohin ata që do t’i qeverisin në legjislaturën e ardhshme,” tha Kaso.
