Një baba në Pogradec ka denoncuar humbjen e të birit të mitur dhe kërkon ndihmën e Policisë për gjetjen e tij.
Nga hetimet dhe dëshmia e 41-vjeçarit rezulton se 15-vjeçari është larguar nga banesa prej datës 21 shtator dhe nuk është kthyer më, duke humbur çdo kontakt. Babai ka thënë se nuk e kontakton dot as në telefon dhe as nëpërmjet lidhjeve të tjera shoqërore dhe miqësore.
“Në Komisariatin e Policisë Pogradec ka kallëzuar shtetasi A. B., 41 vjeç, banues në Çëravë, se më datën 21 shtator, është larguar nga banesa, djali i tij 15 vjeç”, thanë burime zyrtare.
Policia konfirmon se po punohet për gjetjen e të miturit, duke u përpjekur nëpërmjet gjeolokimit, nga rrjeti social apo qelizat telefonike të mundshme.
