Në Gjykatën e Posaçme, seanca për dosjen “Plumbi i Artë” është shtyrë për në 23 shtator ora 10:00.
Gjatë seancës, i akuzuari Enver Diva, i cili përballet me akuza për vrasje dhe sigurim kushtesh për të kryer vrasje, u shpreh me tone të forta ndaj mediave dhe institucioneve:
Diva deklaroi se një emision e paraqiti si vrasës me pagesë, duke theksuar se kjo është e padrejtë pasi ai prezumohet i pafajshëm dhe ende nuk është dënuar:
“Kam një kërkesë për Top Channel që ka dhënë një emision dje, duke më nxjerr si vrasës me pagesë, dhe nuk ka të drejtë një media të japë materiale të tilla kur prezumohem i pafajshën, unë jam ku jam në gjykim, s’jam dënuar. Apo e keni shitur materialin, se Top Channel, Edi Rama e SPAK-u bashkë janë. Unë jam i pafajshëm, ju keni çuar kasetën atje”, tha Diva.
